Hvenær fækka Svíar fötum?

Í dag er 20 stiga hiti og ég var niðri í bæ áðan og Svíar eru enn kappklæddir... Hvað er málið með þetta?

Valdi er búinn að vera í skólanum mánudag og þriðjudag en er núna kominn í hópverkefnavinnu hérna einn heima þar sem hópunum er skipt upp eftir löndum og Valdi er eini Íslendingurinn í bekknum.

Síðasta sunnudag fór ég í "intensive throwing" námskeið en það var keramiknámskeið frá 10-16 og maður gat tekið endalausan leir og hent mistökunum jafnóðum án þess að spá í að vikta eða verka leirinn.. Þetta var rosalega gaman en ég sat alveg í föst allan daginn án þess að fá mat eða pásur. Ég náði að gera 3 "bolla" og gerði svo 3 í viðbót í dag.  Ég snyrti til bollana frá sl. sunnudegi í dag og geri svo höldur í næstu viku. Þetta er svo gaman. 

Annars hef ég bara verið föst í tölvuvinnu í tengslum við vistfræðina og greinasafnið. Nú fer vistfræðin að líða undir lok en síðasta verkefninu var skilað í gær.

Valdi var að panta tíma fyrir bílinn á verkstæði því það er farinn hjöruliðskross og það virðist erfitt að fá varahluti hér í svona bíla og þeir eru ekki ódýrir en bíllinn fer inn á mánudaginn.

Annars er bara bongóblíða og við á leiðinni út í sólina

(EITT NÝTT SMÁALBÚM)

Bestu kveðjur heim í slydduna og rokið

Athugasemdir

[Elin (IP-tala skráð) 29.4.2008 kl. 13:09]

Oh hvað ég öfunda ykkur...það eru svo sem 12 stig hér í RVK í dag, það er ágætt.

Mjög flottir bollar hjá þér GB.. hvað á síðan að gera við þá þegar búið er að koma höldunum á? Verða þeir "málaðir" eða?

Gangi þér vel með leirlistina, og Valdi gangi þér vel með hópverkefni í þessum stóra hóp :o)

Kveðja Elin og bumbus

[Gerður Bjarnadóttir (IP-tala skráð) 29.4.2008 kl. 21:06]

Hefur einhver heyrt um "hjöruliðskross"? Það er ekki til og svíarnir ætla bara að plokka af ykkur pening.

Flottir bollar, á svo að fylla bílinn af leirvörum sem þú hefur búið til? og flyta heim til Íslands?  Jóla og afmælisgjafir næstu ára!

Hér er rok og kuldi.

Kveðja, Gerður.