Valdi heim..

Í kvöld kom Valdi heim úr vettvangsferðinni sinni. Morguninn var skemmtilegur og fór í verkefnið þar sem hóparnir voru að velta fyrir sér 100 ára áætlun um framtíð Östad svæðisins sem er 4000 ha jörð sem Östad stofnunin á.  Í þessari ferð varð Valdi var við það hve dónalegir nemendur geta verið við gestafyrirlesara en skvaldrið og lætin yfirgnæfðu gestafyrirlesarana frá Póllandi.  Ég yrði alveg brjáluð að vera gestafyrirlesari við svona aðstæður. Ég lenti í þessu í Menntaskólanum á Sauðárkróki þegar ég var að kynna Lbhí.. Ég átti erfitt með að sussa harkalega á bekkinn þar sem ég var gestur en sem betur fer kom kennarinn og þaggaði niður í þeim einstaklingum sem voru á athyglisflippi.. Algerlega óþolandi þegar krakkar láta svona...

Ég var að læra fram eftir degi þar til ég fór út í Kirseberggarðinn að labba.. ég missti mig og hljóp smáveigis og er að blæða fyrir það núna en beinhimnubólgan poppar upp bara við nokkur skref.. VONT.. En þetta var ljúft og hressandi að fara 5 km í mildu veðri sem er eins og endalaust haust og umhverfið er svo fallegt þarna. Ég fíla þennan garð alveg í tætlur en það versta er að maður þorir ekki að vera þarna í myrkri en það er komið myrkur klukkan 4 á daginn hér á þessum árstíma.. Ég get vonandi nýtt mér garðinn meira þegar vorar.

Síðan var þvottadagur sem þýðir bara óþolandi ferðir fram og til baka í næstu blokk þar sem þvottahúsið er.. Ég náði ekki einu sinin að klára allt þar sem Valdi kom seint heim svo ég þurfti að bóka tíma í fyrramálið til að klára. En heppin var ég að það var laust en stundum er ekkert laust í heila viku.....

Nú eru myndirnar komnar inn frá ferðinni hans Valda

Kveðjur frá Malmö

Athugasemdir

[Lilja (IP-tala skráð) 14.12.2007 kl. 19:54]

Ohh Liseberg, það er geggjaður garður á sumrin og alls ekki síðri á veturnar sýnist mér! en ég mæli með að fara í Universeum ef þið ætlið aftur til Gautaborgar, ótrúlega skemmtilegt safn. Einnig að fara í hverfi niðri í bæ sem er búið að endurbyggja og er allt fullt af litlum galleríum og kaffihúsum, ótrúlega kósý, en það hverfi átti einmitt að rífa fyrir nokkrum árum en þá tóku einhverjir ríkir gúbbar sig til og splæstu í viðhald á húsunum :)