Sænskar bifreiðastöðureglur!

Valdi þurfti að vakna snemma í morgun til að skutla mér á lestarstöðina en ég tók 7.02 lestina til Köben þar sem ég átti að vera mætt 8:30. Það passaði akkúrat en ég var að fara í fyrsta tímann í Tropical botany með Lindu, Dýrleif og Hlyn. Mér líst rosalega vel á kúrsinn og það var æðislegt að vera í tíma með Íslendingum.  Við vorum búin um þrjúleytið en það var einhver frestun/niðurfelling á ferðum til Malmö svo ég var föst í klst. í Köben á Nörreport. Gersamlega óþolandi... Ég ákvað svo að vera rosalega dugleg og labba heim þessa 3 km og græjaði mig með vettlinga, Ipod og labbaði rösklega af stað í gegnum lestarstöðina og út... Burrrrrrrrrr..... Ískallt... Svo ég ákvað bara að skoða strætóferðir og fann út að nr. 7 stoppar á lestarstöðinni og hjá Kirsebergkirkjunni sem er hér alveg rétt hjá... Hrein snilld....

Í morgun komumst við að því að við höfðum fengið stöðumælasekt  á jeppann meðan við vorum á Íslandi. Við töldum okkur vera í löglegu stæði en vorum þá of nálægt götuhorninu en við vorum 7 metra frá horninu í stað 10 sem á víst að vera... Þetta kostar okkur 7000 ískr í sekt... Við vorum svo glöð að flytja í stöðumælalaust hverfi en ég er búin að fatta að Svíar hala bara inn pening á annan hátt.. Þeir setja allskonar undarlegar reglur og niðurstaðan er að það er bara varla hægt að leggja hér í hverfinu löglega!!!!!!!

Valdi fór um tíu í skólann og hann var í verkefnavinnu í allan dag. Hann er náttúrulega búinn að missa tvo daga úr skólanum þannig að verkefnin hafa hlaðist upp og hóparnir beðið eftir honum... Hann fór svo aftur í kvöld til að vinna verkefni með Rakel.

Ég var eitthvað þreytuleg í kvöld og er hreinlega orðin lasin, beinverkir og aumingjaskapur... Held samt að þetta sé bara svona ferðaþreyta sem kemur svona fram með hitavellu... En ég á ekki að mæta í skólann fyrr en á mánudag svo ég ætla að slaka á og vinna eitthvað fyrir greinasafnið.

Kveðjur frá Malmö

Athugasemdir

[lilja í uppsala (IP-tala skráð) 15.11.2007 kl. 14:00]

Ansk bifreiðastöðudæmi hérna alveg hreint óþolandi- en ég var búin að vara ykkur við þessari reglu einmitt. En við vorum að taka dót úr okkar bíl í gær og skildum hann svo eftir í smá tíma meðan við gengum frá og svoleiðis- og auðvitað var búið að sekta okkur þegar við komum til baka! þetta er nú meira helvítis ruglið... :/

[Guðrún Bjarnadóttir (IP-tala skráð) 15.11.2007 kl. 14:37]

Já einmitt Lilja... Þú varst búin að vara okkur við þessu... En okkur fannst við vera LANGT í burtu frá gatnamótunum... Þeir eru lúmskir þessir Svíar....

[Sigurður Þór Guðmundsson (IP-tala skráð) 16.11.2007 kl. 09:34]

Það er alveg öruggt að stöðumælaverðirnir eru á prósentum, svo duglegir eru þeir. Fyrstu vikuna sem við vorum með bíl í Malmö held ég að við höfum eytt nærri 15 þús í bílastæðasektir.