Loksins Loksins !!!!

 Jæja þá erum við loksins flutt í nýju íbúðina.  Það gerðist á sunnudagskvöld,  þá var Anna hætt að gráta og gat afhent íbúðina.  Íbúðin er björt og fín en eitthvað virðist hafa klikkað í hönnuninni á eldhús innréttingunni, það eru engir efriskápar en það er bara  gott fyrir liðleikann á mannskapnum.

Í gær gerði Guðrún heiðarlega tilraun til að koma mér á geðveikrahæli,  það byrjaði með því að ég kom heim úr skólanum um 3 leitið, þá fórum við í Telia búð sem er á svæðinu hjá Malmö Högskola, niður við sjó. Þar pöntuðum við háhraða internet sem verður tengt í næstu viku og fengum digital tv frítt með í ár. það var biluð brú þarna þannig að allri umferð var beint á eina götu og við vorum geðveikt lengi að komast þaðan í burtu, ég var alveg að tapa mér. þegar við sluppum úr umferðar geðveikinni héldum við til Jagersro center til að fara í Jula og kaupa framlengingarsnúrur, vinkla og skrúfur.  þá var komið að næstu raun fyrir búðar fælin kallinn sem var orðin tæpur á geði, það var að fara í IKEA.  Jæja við fórum sem sagt í IKEA til að kaupa sófa við vorum búin að finna einn en hann reyndist vera alt of dýr þannig að við skoðuðum aðeins meira og fundum sniðugan svefnsófa á þokkalegu verði og keyptum hann. við keyptum líka eldhúsborð og 4 stóla saman í pakka á einhverju grínverði og nýjan skrifborðstól fyrir Guðrúnu, þannig eð ég fæ bara þann gamla. Við þurftum að fara á lagerinn hjá IKEA til að sækja sófann, Afgreiðslumaðurinn spurði mig hvort ég væri á stórum bíl, já nokkuð sagði ég fer mikið fyrir þessu?  já þetta eru tveir stórir og tveir litlir kassar.  Þegar við sáum gripina þá sá ég strax að ég kæmi þessu aldrei í bílinn, þá kom Guðrún upp með þá "Frábæru" hugmynd að ég færi bara tvær ferðir á morgun að sækja þetta. En ég var orðin mjög pirraður og þreyttur um þetta leiti og svaraði því um hæl: NEI GUÐRÚN ÉG NENNI EKKI AÐ EIÐA MORGUNDEGINUM Í RÚNTA TIL OG FRÁ IKEA, ÉG HEF NÓG ANNAÐ AÐ GERA. ÉG BORGA FREKAR 5000 KALL OG LÆT SENDA ÞETTA.  Og það varð úr við pöntuðum flutning  og sófinn kemur heim milli 18 og 22 í kvöld. snilld.......

þegar heim var komið tók svo við að setja saman hitt og þetta af húsgögnum og var ég að til 00.00 fór þá að sofa, Það er alltaf jafn gaman að fitja eða þannig.

Jæja það er svo sem ekkert merkilegt meira að gerast annað en við erum farin að nota hjólin okkar til að komast á milli staða, ég er hálftíma í skólann og Guðrún er svona 20- 25 mín á brautarstöðina.

 Best að hætta þessu bulli og hjóla heim til að halda áfram að setja saman húsgögn. Við þökkum stuðninginn af klakanum.

 Flutningskveðjur frá Malmö . Valdi og Guðrún

 

Athugasemdir

[Elin (IP-tala skráð) 9.10.2007 kl. 13:42]

Myndir af nýju íbúðinni takk

[Berglind (IP-tala skráð) 9.10.2007 kl. 20:31]

sammála síðasta ræðumanni

[Gerður Bjarnadóttir (IP-tala skráð) 10.10.2007 kl. 22:56]

Sæll Valdi.

 Já! Þú verður bara að láta Guðrúnu heyra það til að hún vaði ekki yfir þig.  Að láta sér detta það í hug að þú ætlir að rúnta fram og til baka frá IKEA, er ekki mönnum bjóðandi.  Á morgun fær hún að hitta Brynhildi Þórey og ég sendi með nýja geisladiskinn með Sprengjuhöllinni.  Þannig að hún mun taka gleði sína á ný. 

 Bestu kveðjur. Gerður.